ILOILO CITY – Nagaduda si Councilor Reyland Hervias nga wala makalab-ot kay Pangulong Rodrigo Duterte ang mga maayo nga nagakatabu sa siyudad sang Iloilo ilabi na sa kampanya kontra druga.
Ini ang rason kon nga-a wala nagabag-o ang pahayag sang presidente natuhoy sa Iloilo kon sa diin masami sa gihapon sini nga gina-angut ang siyudad sa illegal nga druga.
Suno kay Hervias nga sa pihak sang pagtinguha ni Mayor Mabilog nga matinluan ang siyudad sang Iloilo sa illegal nga druga, apang natingala siya nga wala sa gihapon nagabag-o ang panulok ni pangulong Duterte sa siyudad.
Gindugang pa ni Hervias nga ginakatingalahan man nila kon nga-a amo na lamang sini ang kalain sang panulok sang presidente sa Iloilo nga sa pagkamatuod mas malala pa ang sitwasyon sa iban nga lugar nga may mga labortoryo pa sang shabu ikumparar sa siyudad sang Iloilo nga ginagmay lang nga mga transaksyon ang nagakatabu.
