Gitagna na daan ni Propeta Isaiah sa Balaang Kasulatan nga lalangon sa Espiritu Santo ang usa ka birhin nga babaye ug magmabdos ug manganak kini og usa ka lalake nga nganlan og Hesus ug tawgon sab nga Emmanuel nga ang buot ipasabot ang “Dios uban kanato”.
Ang Mateo 1 nagsulti, nagpakatawo si Hesus sa kalibutan aron luwason ang iyang katawhan ug lakip na ang mga hentil gikan sa gahom sa sala ug kamatayon didto sa impiyerno.
Gibutyag ni Brethren Evangelical School of Theology Founder Bishop Ariel Coleto, ang pinakamensahe sa Bibliya mao ang pagkatawo ni Kristo ug pagluwas sa mga makasasala gikan sa linaw nga kalayo.
Nakadiser ang Dios Amahan nga ipadala ang iyang Bugtong Anak nga si Hesu-Kristo dinhi sa kalibutan aron mahimong Manluluwas kon manunubos sa tanang makakasala.
Gipakita sa Dios Amahan ang iyang dakong gugma samtang ang tanan naglunang pa sa pagpakasala ug patay pa atubangan sa Ginoo ug sa kamatayon ni Kristo ang tanan nabuhi na sa ispiritwal.
Sumala ni Bishop Coleto, si Kristo ra gayod ang makaluwas ug makahatag og kinabuhing walay katapusan kana kung dawaton ug tuohan si Hesus isip manluluwas.
Kung ang tawo nga walay Kristo sa kinabuhi kini nagpasabot sab sa iyang kalaglagan sa impiyerno isip bayad sa pagpakasala sa atubangan sa Dios.
Ang Semana Santa naghatud sa mensahe sa paghinulsol ug kinakasingkasing mangayo og pasaylo sa Dios aron mapaspas ang tanang sala ug batunon si Hesus isip manluluwas ug Dios sa kinabuhi.
Busa samtang aduna pa’y kahigayonan ang matag usa nga makabalik sa sabakan sa Dios karon pa lang gikinahanglan magdisisyon na ang matag usa aron dili matagamtaman ang makalilisang nga silot sa Dios sa impiyerno.
RadyoMaN Joel Viray
