Higalaay Security Task Force, gipabilin ni Mayor Moreno

27

Tungod sa Bombing Incident sa Isulan, Sultan Kudarat gipabilin ni Mayor Oscar Moreno ug wala pa niya bungkaga  ang  Higalaay Security Task force nga iyang gitukod duha ka semana sa wala pa ang fiesta sa Cagayan de Oro niadtong Agosto 28.

 

Ang Higalaay Security Task Force gipangulohan ni City Director Senior Supt. Nelson Aganon nga ang tahas mao ang pagpalig-on sa security measures ning syudad.

 

Matud ni Moreno nga ang maong Higalaay Security Task Force gi-apilan kini sa lain-laing Law Enforcement Agencies ug City Disaster Risk Reduction Management Office kon CDRRMO sa City hall.

 

Matud ni Moreno nga iyang gitukod ang Higalaay Security Task force pinaagi sa iyang gipirmahan nga executive Order.

 

Gipasabot  sa mayor nga  wala pa niya i-dissolve  ang iyang gitukod nga Higalaay Security Task Force kay iyang nakita nga importante pa kaayo ang trabaho sa maong task force  tungod sa nahitabong Bomb explosion  sa Isulan, Sultan Kudarat.

 

Sa pikas nga bahin.

 

Gipasalamatan ni Mayor Moreno,  ang tanang kagay-anon nga nagsakrepisyo ug  misabot sa ilang kahasol sa dihang iyang gipa-cut off sa National Telecommunications Commission kon NTC ang signal sa   cell phone sa mga telecommunication companies niadtong milabay nga fiesta activities ning syudad.

 

Matud sa mayor nga sa wala pa niya pirmahi ang iyang sulat sa NTC iya unang gitun-an pag-ayo kon insakto ba ang iyang desisyon nga i-cut off ang signal sa cellphone nga daghan ang mahasol ug maperwesyo.

Facebook Comments