Higanteng 709 – carat ‘Peace Diamond’ nakalutan sa nasud Sierra Leone

31

Sierra Leone- Usa ka higanteng diamond ang nakalutan sa may nasud Sierra Leone nga nagkantidad og mokabat sa $6.5 million ug adunay Philippine money equivalent nga 328,672,500.00.

Gihinganlanan ug “peace diamond” ang mahalon nga bato sa gihimong bidding .

Matod pa, ang $ 3.8million nga bahin niini nga adunay Philippine money equivalent nga 192, 318,000.00 ang maoy gamiton isip pondo sa infrastructure project aron makabenipisyo ang mga lumulupyo sa Sierra Leone kung asa kini nakuha.

Apan wala gidawat sa gobyerno sa Sierra Leone ang bid nga $7.8 million sa una nga subasta sa diamante. Busa nagalaom ang gobyerno nga gamiton ang maong kwarta aron mapalambo ang balangay sa Koryardu.

Kalabot na niini ang ginapangayong presko nga tubig, kuryente, maayong dalan,medical care ug pagpalambo sa mga infrastructure ilabi na ang eskwelahan sa Sierra Leone ang usa sa mga ginatan-aw nga masulbad

Sumala pa kang Tobias Kormind nga ang “peace diamond” wala gibaligya sa mahal nga presyo apan mao kini ang maoy muhatag ug kabag-ohan sa kawtahan ilabi na sa mga kabatan-onan.

Gikonsidera usab nga ang peace diamond ang ika-14 nga pinakadakong diamante sa tibuok kalibutan. Busa gihatag usa sa Sierra Leone ang diamante niadtong Marso human nga makalot kini sa usa ka pastor nga gi-ilang si Emmanuel Momoh.

Sumala usab kang Momoh nga dili makahatag ug benipisyo ang pagbaligya sa diamante sa mga katawhan ilabi na sa mga dato nga nag-apas niini. Busa pagagamiton ang kwarta alang sa mga panginahanglan sa katawhan sa dagkung butang sama sa preskong tubig nga angay inumon ug maayong dalan alang sa tanan.

Dugang usab ni Martin Rapaport, chairman sa Rapaport Group kining diamante ang mamahimong hinungdan sa pagtukod ug maayong relasyon sa artisanal miners ug gobyerno sa nasud nga maoy makabenepisyo niini. Mao usab kini ang makadasig sa mga katawhan nga muhatag ug pagtagad sa gobyerno ug muhatag ug maayong serbisyo. ( Jennebel Alvarez, GSA ABCom Intern)

Facebook Comments