Report ni: Tita Jen Palomo Debaja
Gin welcome sang gobyerno sang HK ang ikaduwa na ka bes nga pagbisita ni Pres Duterte sa pungsod nga may hugot nga seguridad.
Full-geared ang kapulisan nga nagsugat kay Duterte kagab e sa HK International airport sakay sang private jet halin sa Hainan China.
Gin eskortan sang heavily armed motorcade kag anti-explosive vehicle ang pamilya Duterte pakadto sa Inter Continental Hong Kong Hotel sa Tsim Sha Tsui kon sa diin maga tinir si Duterte sang 3 ka adlaw upod ang asawa nga si Honylet Avancena kag ang ila anak nga si Kitty Veronica.
Naka skedyul man ang meting sang presidente sa members sang Filipino Community bwas nga adlaw sa Kai Tak Cruise Terminal takna alas 3 tubtob alas 9 sa gab e.
Mangin kaupod ni Pres.Duterte sa meting si Chief of Staff Christopher “Bong” Go kag Labor Secretary Silvestre Bello III, nga pareho may plano mag padalagan sa next year’s senatorial election.
Apisar sa hugot nga seguridad sa pagbisita ni Duterte , ginpakamalaut man sang pila ka Filipino community organizations sa pagpanguna sang Hong Kong Campaign for the Advancement of Human Rights and Peace in the Philippines (HKCAHRPP) ang pag welcome sang gobyerno sang HK nga suno sa ila isa ka ” tyrant and facist ” leader. Nagaplano man ang grupo nga magahiwat sang protesta batuk kay Duterte tungod sa ila pagpati indi gid deserve sini ang warm welcome sa Hong Kong.
Gintawag sang grupo ang atensiyon sang gobyerno sang HK sa kahilabtanan ni Duterte sa extrajudicial killings, violence against women, kag high-handed response sa criticism kg opposition.
Samtang, ginpahayag ni Vice Consul Bob Quintin sang Philippine Consulate sa HK nga masobra sa 2,000 ka Filipinos ang nag pa register agud makigbahin sa dialogue ni Pres. Duterte nga pagahiwaton bwas nga adlaw.
Una nga ginpahayag sang Malacanang nga personal gid nga gusto pamatian sang presidente ang concerns sang mga OFWs diri sa HK sa iya pagbisita.
Photo courtesy to SCMP
