ILOILO CITY – Magapirma sang memorandum of agreement ang syudad sa Social Housing Finance Corporation (SHOFC).
Ini para sa pagpatindog sang high density housing project nga pinakauna nga patindugon sa gwa sang Luzon.
Ini ang mangin puluy-an sang isa ka libo nga pamilya nga gikan sa mga may kaso sang ejectment, ara sa danger zone kag mga apektado sang mga proyekto.
Suno kay Jeck Conlu, Executive Director sang Iloilo City Urban Poor Affairs Office (ICUPAO), himuon ang signing sang MOA sa ulihi nga bahin sang karon nga tuig agud masugoran na ang construction sa 2018.
Sa karon ginafinalize na sang ICUPAO ang listahan sang mga beneficiaries.
Ang high density housing isa ka medium rise residential house nga kaangay sang condo nga kumpleto sa mga pasilidad sang isa ka puluy-an.
