Davao City – Nakatala og taas nga positivity rate o 7.57% ang kaso sa COVID-19 ang Davao City sa gihimong intensified case finding ug surveillance swabbing sa mga adunay influenza-like illnesses (ILI) sa June 13, 2021 nga report sa City Health Office (CHO).
Gibutyag ni Dr. Michelle Schlosser, spokesperson Davao City COVID-19 Task Force, gikonsiderang taas kini tungod nilapas kini sa 5 porsyentong positivity rate threshold nga gi-set sa World Health Organization (WHO) alang sa COVID-19 transmission.
Sa 261,855 gipang-swab nga mga indibidwal, 13, 823 ang nakuhang positibo sa COVID-19.
Segun niini,76.99 porsyenteo o 1,000 sa 1,300 active cases sa syudad gikan Hunyo 6 hangtud 12 naggikan sa mga establisemento sama sa mga business hubs, opisina, malls ug uban pa.
Gitataw ni Schlosser, gi-maximize karon sa lokal nga gobyerno ang pagpangita ug pag-detect sa mas daghang kaso aron paspas ang pag-isolate ug pagpugong sa pagkaylap pa sa kaso.
Hugot nga gibarugan niini nga ang taas sa ihap sa kaso sa syudad, wala nagpasabot nga pakyas ang City Government of Davao sa padayong pakigkombate kontra COVID-19.
RadyoMaN Aimee Guinita
