High-priority bus system sa 2019

28

Davao City – Subling gitino ni Davao City Mayor Sara Duterte-Carpio nga sa umaabot nga mga katuigan, atong lauman ang mas bag-ong panagway sa panakayan sa syudad sa dihang ma-mobilisar na unya ang gitawag nga High Priority Bus System (HPBS).

Sa news conference dinhi, gibutyag sa alkalde nga ilawom sa mas gipa-improbar nga urban development scheme sa entero dakbayan, padayon karon ang engagement ug koordinasyon sa local government sa dakbayan uban sa Asian Development Bank (ADB) alang sa maong innovative program.

Inisyal nga nahisgotan ang posibilidad nga pagpadagan sa modernized transport system diin ang mga bus units mag-operate diha sa mga main or major routes ug ang mga Public Utility Jeepneys (PUJs) diha sa gitawag nga mga ‘feeder routes.’

Ubos sa maong konsepto, dili i-phaseout ang mga PUJs gani agnihon ang mga PUJ drivers nga mobalhin na lamang ug ruta didto sa mga ‘feeder routes’ o bin ba kaha mamahimong investors sa HPBS o mamahimong mga bus drivers.

Gilauman nga ang bag-ong mass transport scheme maoy magseguro sa mas luwas, mas hilway, mas hinlo ug mas paspas nga transportasyon silbing direktang tubag sa traffic gridlock kun commuter congestion ingon man ang kaakibat nga problema sa suliran sa polusyon mugna sa karaang mga yunit sa panakayang pampubliko.

RadyoMan June Duterte

Facebook Comments