High-Ranking NPAs ni-surrender sa 1001st Brigade

Davao City- Ni-surrender sa 1001st Infantry Brigade, 10th Infantry Division, Philippine Army ilawom sa liderato ni Brigadier General Jesus P Durante III, ang duha ka mga Top NPA personalities ug duha ka mga miyembro sa Guerrilla Front 2, Southern Mindanao Regional Committee (GF2, SMRC) of the CPP-NPA sa kabukiran sa Maragusan, Davao de Oro.

Giila ni Captain Mark Anthony Tito, 10th ID spokesperson, ang mga surrenderee nga sila Alias Jeg/JR, Commanding Officer GF2, Alias Kevin/Jelong, Squad Leader, GF2 ug Alias Ded-den, Squad Supply Officer, Sub-Regional Guerrilla Unit (SRGU), SMRC.

Sumala sa report sa AFP, gibutyag ni Alias Jeg nga buot usab musurrender ang iyang partner nga si Alias Dan-dan, Secretary sa GF2 apan nagkabulag sila tungod sa nahitabong combat operations sa militar.
Dihang na-establisar na ang ilang komunikasyon, nipahigayon na og follow up operations ang kasundaluhan ngadto sa mga former rebels.

Gibutyag sa mga nagsurrender, tungod sa kakapoy ug miubos na ang ilang morale tungod sa pag-abandona kanila ni top-ranking NPA leader Eric Jun Casilao.

Anaa karon sa kustodiya sa 1001st Brigade ang mga ex-rebels ug giproseso na ang ilang benepisyo ilawom sa Enhanced Comprehensive Local Integration Program (ECLIP).

RadyoMaN Aimee Guinita

<www.avast.com/sig-email?utm_medium=email&utm_source=link&utm_campaign=sig-email&utm_content=webmail>