Davao City – Hayan madugmok ang maayong kaugmaon sa usa ka estudyante karon nga nagtingkagol na kini sa selda sa Buhangin PNP human nadakpan sa gilusad nga buy-bust operation alas-2:10 sa kahaponon.
Subay ani, kalasapan sa Republic Act 9165 kun comprehensive dangerous drugs act of 2002 ang gisang-at nga asunto kang Rodexter Ongaga, 18 anyos, nagtungha sa sekondarya, ug nagpuyo sa Indangan, Buhangin ning syudad.
Ang suspek giposasan sa mga otoridad human gitunol niini ang usa ka plastic zip-lock nga dunay inuga nga marijuana ngadto sa pulis nga nagpakaaron-ingnon nga buyer sa gihimo nga operasyon sa mao nga dapit.
Wala na makaalma si Ongaga sa dihang iyang nasayran nga pulis diay ang iyang gikatransak sa droga diin nakuha pa ang laing usa ka transparent plastic unod ang marijuana og P500 nga mark money gikan sa dinakpan.
RadyoMaN Joel Viray
