GENERAL SANTOS CITY- Naghimas rehas sa selda ang usa ka high school teacher human kining madakpan sa buybust operation kagabie sa Queen Tuna Park, Barangay Dadiangas South.
Giila sa City Police Drug Enforcement Unit ang suspek nga si Exequel Laurente Jr., 38 anyos ulitawo og residente sa Rosario Village, Lagao ug nagatudlo matod pa ang suspek sa Fatima National High School.
Sa imbestigasyon, napalitan ang suspek og pakete sa iligal nga drogang shabu samtang narekober sa kapolisan ngadto sa suspek ang laing napulo ka pakete sa gidudahang shabu ingon man ang marked money nga 1000 pesos.
Pasakaan og kaso ang suspek may kalabutan sa Comprehensive Dangerours Drugs Act ngadto sa piskalya.
For more info’s and updates, like and share our official facebook account : www.facebook.com/ifm91.9Gensanofficial/
[image: teacher dakpan sa buybust.jpg]
