Davao City – Imontar sa Azuela Cove ang walkthrough ug baggage scanner machines subay sa mas hugot nga ipatumang seguridad sa syudad alang Alveo Iron Man 70.3 triathlon race karong Dominggo.
Gibutyag ni Davao City Police Office (DCPO) Police City Director Col. Alexander Tagum atol sa interbyu sa RMN Davao nga walay basta-bastang makasulod sa maong area.
Matud ni Tagum, gi-inspeksyon nila ang tanang mga event areas ug ang agiang ruta sa mga atleta sa Ironman.
Dili muubos sa 3,000 ka mga security forces ang gipakatag.
Matud ni Tagum mas daghan usab ang deployment sa ikaduhang tuig sa Ironnan dinhi sa Davao tungod sa kadaghang nisalmot nga mga atleta, artista ug mga langyaw’ng triathletes.
Dugang niini bantay sarado usab sila sa mga hotels diin nahimutang ang mga bisita.
RadyoMaN Aimee Guinita
