Davao City- Ubay-ubay nga mga local ug international suppliers sa mga security equipment ug software providers andam mu-asister sa syudad diha sa pagpahugot sa atong seguridad kontra terorismo ug uban pang hulga sa atong kalinaw.
Gibutyag ni Public Safety and Security Command Center chief ret. Gen. Benito de Leon nga adunay mga kumpanya nga nagtanyag sa ilang mga serbisyo aron ma-improbar ang ginagamit nga teknolohiya karon sa syudad.
Sumala ni De Leon nga na-impress siya ug nakumbinse usab ang City Government sa kalidad sa usa ka high-end nga system karon sa syudad nga adunay feature sama sa facial and plate recognition capabilities.
Dakong tabang ang susama niini nga taas og kalidad nga sistema batok sa nagkagrabe nga hulga sa terorismo.
Sumala ni De Leon kinahanglan na gayod nga ma-upgrade ang mga ekipo sa syudad sanglit karaan na kini ug gikinahanglan na nga mailisan.
Dugang ni De Leon nga magtagana og budget ang lokal nga kagamhanan alang niining mga modernong kahimanan.
Kasamang Aimee Guinita
