Naka eskapo an gintutuuhan kanang kamay han big time Drug pusher dida han gin eeskortan ini han mga Jail officer para umattender hin hearing ha baybay city leyte Regional Trial Court kasangkulop.
Ginkilala an nakaeskapo nga suspek nga hi Job Porazo, detainee han Bureau of Jail Management and Penology o kun BJMP. Umabot na an mga Jail officer kaupod hi Porazo ngan napulo nga preso ngan naghihinulat na ngayan an usa nga single nga motor nga an nagmamaneho in nakasul-ot hin full faced helmet. Nakadalagan hi Porazo ngan tigda nga sumakay ha mao nga single nga motor.
Sumala kan Jail officer 1 Haniel Alatraca, nakabunot pa hiya hin pusil ngan ginpabuto ini ngadto ha suspek pero waray ini kaigo.
Nakaiskapo hi Porazo kay usa la daw nga jail officer an nagbabantay ha iya samtang an iba in paluyo luyo an nagbabantay.
Sumala naman kan PSUPT. Ramil Amodia, Chief of Police han Baybay City nakaposas an usa nga kamot han suspek ha usa liwat nga kamot han detainee. Na hulso han suspek an posas amu daw ini nakadalagan.
Ginplano na ini nga sitwasyon han mga suspek. Ha pagka yana padayon an hot pursuit operation nga gindudumara han mga ototridad. Naispatan pa daw an motorsiklo ha Hilongos Leyte Seaport ngan tipakadto ha Cebu City.
Napreso an suspek dida han Marso 4 mahitungod han iligal possesion han droga.
Ginkokonsidera liwat nga High value target an suspek tungod nga kanang kamay daw hiya an Big time Drug pusher.
