Dakop sa buy bust operation sang Pavia PNP kag Regional Drug Enforcement Unit ang High Value target level 3 sa siyudad sang Roxas.
Ginkilala ang subject nga si Neil Bryan Tumlos sang Roxas City apang naga-renta sang balay sa Providence Subdivision sa banwa sang Pavia, Iloilo.
Ginpahayag ni Police Chief Inspector Ferdinand Limbungan, hepe sang Pavia PNP nga nakabaton sila sang report nga nagabaligya sang ilegal nga druga sa nasambit nga Subdivision kag pagkatapos ma-validate ang impomasyon, ginhiwat nila kaina sang hapon ang buy bust operation.
Nakuha sa suspek ang 30 tanan ka sachet sang ginapatihan nga shabu.
Nahibaluan nga si Tumlos ang may live-in partner nga isa man ka drug personality sa siyudad sang Iloilo.
Wala pa matumod sang kapulisan kon diin nagakuha sang supply sang ilegal nga druga si Tumlos. (sspunay)
