Nasikop sa mga operatiba sa RPDEU-10 nga gipangulohan ni PLt. Niel Payos alayon na sa mga personahe sa PS3 Agora ug PDEG-SOU-10 ang usa ka high value target nga drug pusher. Kini human sa gilusad nga anti-illegal drug buy bust operation diha sa Brgy. Lapasan ning syudad sa Cagayan de Oro.
Naila ang dinakpan nga 29 anyos nga si Klent Estroga, taga Lapaz 1 sa Agora Lapasan ning syudad. Nasayran nga usa DI listed ug high value target ang maong suspek. Napalitan kini sa usa ka sachet sa gituhoang shabu balor 1000 pesos nga maoy hinungdan sa iyang pagkasikop.
Nakuha gikan sa suspek ang usa ka sling bag nga black and red color combination kung diin gisulod ang digital weighing scale, android cellphone ug ang transparent cellophane nga dunay sulod sa 5 ka pakite sa gituhoang shabu.
Gibana-banang motimbang sa 50 gramos ang nakumpiskang druga ngadto sa suspek kung diin duna kini street market value nga 340,000 pesos.
Detinado na ang maong suspek ug posibleng mag-atubang sa kasong pagsupak sa RA 9165 ngadto sa korte.
Kasama mo sa PS3 Agora, Radyoman Andy Coco, DXCC Tatak RMN!
