Davao City- Na-file na ang kaso ngadto sa prosecutor office batok sa usa ka high value target nga si Ryan Niel Martinez alyas Opaw, 40 anyos nga negosyante ug nagpuyo sa Juan Dela Cruz St. Toril ning dakbayan.
Kahinumduman human nasikop sa kapulisan ang suspek nga nakuhaan og shabu nga gibanabanaan mokantidad og 15,000.00 ka pesos, apil pa nakuha ang mga drug paraphernalia sa gilusad nga buy bust operation pinaagi sa San Pedro PNP kauban ang pwersa sa City Drug Enforcement Unit lakip opratiba sa M2 natigayon sa Waling-waling St. Brgy. Daliao Toril ning dakbayan.
Kasong kalapasan sa Republic Act 9165 kun Comprehensive Dangerous Drug Act of 2002 ang gisang-at sa korte.
Sumala ni Police Chief Inspector Ramel Macarampat Station Commander San Pedro nga ang pagsikop sa suspek parte sa pagpatuman sa Oplan Double Barrel Reloaded.
RadyoMan Don Pulayao
