Ginkumpirmar ni Police Supt. Joem Malong, spokesperson sang Police Regional Office 6 nga nalamita anay sa illegal nga druga si PO1 Dorben “Benjo” Acap, ang pulis nga gin-ambush sa Distrito sang Arevalo kaina sang hapon.
Suno kay Malong nga high value target number 2 si PO1 Acap kag makapila ka beses naman nga gin-tokhang.
Bangud sa involvemnent sini sa illegal nga druga, gin-assign ini sa Regional Headquarters Support group kag na-demote halin sa PO2 nga ranggo, nangin PO1 na lamang.
Sa pihak sini, ginapanginwala ni Acap nga may kahilabtanan siya sa illegal nga druga.
Pasado alas 4 kaina sang hapon, gin-ambush sang riding in tandem si PO1 Acap samtangh nagapauli halin sa duty sakay sa iya salakyan konsa diin nakaangkon siya sang pilas sa abaga.
Nakatigayon man nga makabalos tiro si Acap nga nagresulta sa pagkapilas sang duha ka suspek nga sakay sa nagauna nga motorsiklo.
