Layon ng pamamahagi na mapabuti ang produktibidad ng agrikultura, madagdagan ang akses ng mga magsasaka sa de-kalidad na farm inputs, at matulungan ang mga sektor na naapektuhan ng kalamidad.
Sa pamamagitan ng Office of the Provincial Agriculturist, ipinatupad ng pamahalaan ang iba’t ibang programa at proyekto alinsunod sa Republic Act No. 7171, kabilang ang Hybrid and Certified Seed Assistance Program, Mechanization Support for Rice Development, at pagbibigay ng inorganic, organic, at foliar fertilizers upang mapataas ang kahusayan at ani ng mga lokal na magsasaka.
Nakakuha rin ng tulong ang mga magsasaka na umaasa sa tobacco, corn, mango, at mungbean production.
Bukod dito, nakatanggap ng rehabilitasyon ang mga mangingisdang naapektuhan ng nagdaang bagyo, na tumulong sa pagpapanumbalik ng kabuhayan sa mga coastal communities.
Ayon sa gobernador, layon ng mga programang agrikultural na ito na mapataas ang produktibidad at mapabuti ang buhay ng mga komunidad sa agrikultura sa buong lalawigan. | 𝙞𝙛𝙢𝙣𝙚𝙬𝙨𝙙𝙖𝙜𝙪𝙥𝙖𝙣
