Nasa PHP 988,040.00.00 ang halaga ng shabu na nasamsam ng awtoridad sa magkahiwalay na buy bust operation sa Ilocos Region.
Nakumpiska ang nasa 65 gramo ng hinihinalang shabu at tinatayang nagkakahalaga ng Php 442,000.00 sa unang araw ng buy-bust operation na isinagawa sa Urbiztondo, San Juan, La Union at Pozorrubio, Pangasinan.
Nakumpiska naman ang nasa kabuuang 80.3 gramo ng hinihinalang shabu sa ikalawang araw ng operasyon na isinagawa sa Urdaneta City at Dagupan City na may kabuuang halaga na Php 546,040.00.
Limang indibidwal ang naaresto sa mga isinagawang operasyon at dalawa sa mga ito ay itinuturing na high value individual.
Ayon kay Regional Director PBGEN Lou Evangelista, tuloy ang kanilang mga isinasagawang hakbang upang mapuksa ang ilegal na droga sa rehiyon.
Dagdag nito, hinihikayat ang publiko na makibahagi a i-report ang mga ilegal na aktibidad sa kanilang mga lugar. |𝙞𝙛𝙢𝙣𝙚𝙬𝙨
