Naaresto ng pinagsanib na tauhan ng Northern Police District (NPD), Navotas Police at Philippine Drug Enforcement Agency (PDEA) ang isang lalaki na tulak ng iligal na droga.
Kinilala ang nadakip na si Aldrian Jocson, 21-anyos at residente ng Danny Bangus St., Brgy. Tangos North, Navotas City.
Nasakote ang suspek sa ikinasang buy-bust operation sa M. Naval St., Brgy. Sipac Almacen.
Nakumpiska kay Jocson ang nasa walong sachet ng shabu na may higit 50 gramo ang bigat at may street value na P353,600.00.
Inaalam na kung anong grupo nabibilang ang suspek lalo na’t malakihan ang transaksyon nito ng iligal na droga.
Facebook Comments
