Umakyat na sa higit 151 million doses ang kabuuang bilang ng COVID-19 vaccines na naiturok na ng pamahalaan sa buong bansa.
Sa bilang na ito, 69.5 million dito ay fully vaccinated na laban sa virus.
Katumbas ito ng 77.24% mula sa target population ng pamahalaan.
Ayon kay acting Presidential Spokesperson at Communication Secretary Martin Andanar, nasa 74.2 million doses naman ang naiturok ng gobyerno bilang first dose.
Habang umakyat na rin sa higit 14.3 million ang nakatanggap na ng booster shot o additional doses ng bakuna.
Samantala, sa mga batang edad 5-11 nasa higit 2.9M na ang fully vaccinated habang sa mga edad 12-17yrs old naman ay 9.4M na ang bakunado laban sa virus.
Facebook Comments
