New Washington, Aklan — Kulong rong sangka hilong nga mister matapos nga ginhana nga sunugon ro andang baeay sa Brgy. Jugas, New Washington, Aklan.
Suno kay PO2 Manny Lorenzo it New Washington MPS nga nag-umpisa rong insidente matapos nga gin usoy it uwa eon ginpangaeaning mister ro sanduko sa anang misis pero uwa raya gintao.
Bangud kara, gin ukay it nasambit nga mister ro mga bueotangan it eambong sa pag-eaum nga idto nakatago pero uwa man gihapon raya makita.
Ginbutang it mister ro mga eambong sa saeog ag dayon nga ginsindihan kung sa siin dali-dali man raya nga inadtunan ko misis matapos nga makitang naga aso ro sueod it andang baeay ag ginpaeong ro kaeayo.
Insigida nga gin report it misis ro insidente sa kapulisan rason nga gin aresto ro anang mister.
Sa makaron hay gina imbestigahan eon it BFP New Washington ro nasambit nga insidente para sa nagakaigo nga disposisyon.
