Himpit nga pag-abyanay sang ido kag mga bata-estorya sang pagbatas kag handum nga makatibawas

Calinog, Iloilo-Sila sanday Ginagine kag Lorenzo Lopines sang Brgy. Aglonok nabukid nga barangay sang banwa sang Calinog, Iloilo.

Sa ila tuman ka lamharon nga edad, madulom pa ang kalibutan, nagalakat na sila sang indi magnubo sa duha ka oras pakadto sa ila eskwelahan.
Kaupod lang ang ila duha ka ido nga amo ang nagatindog nila nga giya kag tagpangapin.

Sa tagsa ka magtaghol ang ido, palatandaan ini nga may masumalang sila nga tawo gani nagapanago sila nga duha kag kun makalampuwas na ang ila masugata, dayun man nila guwa sa ila ginapanagu-an kag magpadayun sa paglakat.
Ginabaklay sang duha ka bata ang makitid nga mga dalan nga ara sa kilid sanmg bukid kag may pil-as.


Apisar nga delikado, wala nagakahadlok ang duha ka mga bata bangud handum man nila nga makatapos bisan sa primary lang kag kun may makabulig makapadayun sa ila pagtuon tubtob sa kolehiyo.
Estorya sang matuod nga paghimakas agud mabatak sa kapigaduhon ang ila pamilya.

Sa linghod pa nga paminsaron wala na snag ginapanumdom kundi amo ang makatibawas sa kapigaduhon.

Ang ila iloy may balati-an kag ang nagapangita s aila sang kabuhian amo lang ang ila amay.

Ayhan kun may sobra kita sini nga panahon snag paskwa, mabuligan natun sila.

Facebook Comments