Roxas City, Capiz- Magaserbe sang 15 ka adlaw nga community service ang persona nga naaktohan nga nagahaboy sang basura sa isa ka area sa Barangay Mongpong, Roxas City.
Suno kay Kapitan Ricky Donato, ini matapos nga naaktuhan ang persona nga ginkilala kay Renz Daliva y Valderama sang Brgy. Salocon, Panit-an, Capiz nga ginhaboy lamang ang apat ka dalagko nga plastic bags nga may unod sang basura. Sang ginbukad, nadiskubrehan nga halin ang mga basura sa isa ka establisemento komersyal diri sa Roxas City.
Bangud sini, nangin matigdas naman ang paandam kag pahayag ni Kapitan Donato sa pila ka mga persona nga nagahaboy snag ila lugar. Ginpunto sini nga indi basurahan ang ila barangay gani nga kun ma-aktohan nila ang sin-uman nga maghaboy, ila ini nga pagasampolan.
© web photo
