ILOILO City – Arestado ang hinablos sang napatay nga PDEA identified drug lord nga si Richard Prevendido sa ginhiwat nga buy bust operation sang city drug enforcement unit sa Bakhaw, Mandurriao, Lunes sang hapon, Disyembre 10.
Ginkilala ang subject nga si Myrnanie Prevendido Salting, 40 anyos ang edad sang Zone 2 Barangay, Bakhaw, Mandurriao.
Suno kay SPO2 Alfred Delano, team leader sang CDEU nga ginakabig ang suspek bilang high value target level 2.
Nabaklan ini sang isa ka sachet sang suspected shabu sa balor nga isa ka libo ka pesos kag nakuhaan pa gid sang dugang nga napulo ka sachet.
Ginpahayag ni Delano nga sang nagligad pa nga bulan ang ila pag-monitor sa suspek matapos makabaton sang report nga nagabaligya ini sang illegal nga druga. /// sspunay
Photo from web
