Hinablos sang anay Abu Sayyaf leader Abu Sabaya arestado sa Negros

303

Silay City, Negros Occidental – Gindakop sang mga otoridad ang duha ka mga suspek nga sanday Absnir Kudarat, 28 anyos kag paka-isa sini nga si Staring Habibullah, 24, lunsay tumandok sang Jolo, Sulu kag Isabela, Basilan matapos ang mga ini ang ginreklamo nga na panaya sang .45 caliber pistol sang nagligad nga Lunes sa Norte nga bahin sang Negros Occidental.

Sa interview sang RMN Investigative Team kay Kudarat, gin-ako sini nga siya ang anay katapo sg Abu Sayyaf Group humalin sang 1999 tubtob 2004, kag hinablos pa sang anay Abu Sayyaf kumander, nga si Aldam Tilao, alyas Abu Sabaya.

Ginpanginwala naman ni Absnir nga sya ang may yara pa sang kaangtanan sa terrorist group nga ASG, bangud ini ang boluntaryo na nga nagsurrender sang naligad nga 2004, kag gin ‘clear’ na sang gobyerno.

Nahibalu-an nga ang mga suspek ang temporaryo nga nagapuyo sa balay sang live-in partner ni Kudarat diri sa Negros, humalin pa sang nag ligad nga bulan.

Suno kay Kudarat nga sang aktibo pa sya sadto sa ASG, siya ang kaupod sang iya tiyo sa mga pila ka mga iligal nga aktibidades sadto sa Mindanao.

Ang duha ang detained sa karon sa Silay City Police Station.

Facebook Comments