South Cotabato – Sugatan ang isang pulis matapos sagasaan ng isang lalaking aarestuhin sana nito sa purok Malinong, Barangay Benitez, Banga, South Cotabato.
Kinilala ang biktima na si PO2 Ruel Villacruz Nuevo.
Sa imbestigasyon, arerestuhin sana ni Nuevo ang suspek na si Babie Rendon Benedicto dahil sa sangkot ito sa illegal numbers game o “last-two”.
Hinarang ni Nuevo si Benedicto sakay sa motorsiklo subalit sinadya ng suspek na sagasaan ang pulis saka mabilis na tumakas.
Agad na naisugod sa ospital ang pulis habang nasakote naman si Benedicto matapos magsagawa ng hot pursuit operation ang iba pang kabaro ng biktima.
Facebook Comments
