Manila, Philippines – Dapat umamin at mag-sorry na si dating Pangulong Noynoy Aquino kaugnay sa isyu ng Dengvaxia.
Ito ang iginiit ni Senator Richard Gordon, Chairman ng Blue Ribbon Committee kasunod ng pag-anunsyo na natapos na nila ang mga rekomendasyon sa Dengvaxia.
Ayon kay Gordon, sa halip na manisi ay mabuting humingi na lang ng tawad si Aquino.
Gayunman, kahit ma-sorry aniya si Aquino ay hindi pa rin siya abswelto sa kaso.
Batay sa committee report, tila iniiwasan ni Aquino ang responsibilidad nito sa kontrobersya ng Dengvaxia, tulad ng pag-iwas nito noon sa isyu ng madugong Mamasapano operation.
Facebook Comments
