Paga-estoryahan pa sang Solid Waste Management Board sang South Cotabato ang hingyo sang iban nga mga local government unit nga makahaboy sang ila nga healthcare waste sa Health Care Waste Treatment Facility sa probinsya.
Suno kay Provincial Environment and Management Officer Siegfred Flaviano nga magluwas sa pipila ka LGU sa Soccksargen naglisensya man ang Davao City nga luyag sini nga dal-on sa nasambit nga pasilidad ang mga basura halin sa mga healthcare providers.
Ginhatagan punto ni Flaviano nga daku ang kitaon sang provincial government, apang dapat prayoridad sa gihapon ang mga healthcare providers sa South Cotabato.
Sa subong suno kay Flaviano yara sa 23 ka mga health care facilities ang nagabayad sa provincial government para makahaboy sang ila nga health care waste sa treatment facility sa probinsya.
Pahayag man ni PEMO Flaviano nga tungod sa pandemya nagdamo man ang mga basura nga gindala sa Healthcare Waste Treatment Facility rason kon ngaa suno sa iya nagdugang sa subong sang duha ka mga special cell sa nasambit nga pasilidad ang provincial government nga ginapainan sang P4 million.
