Pontevedra, Capiz- Pilason ang duha ka mga persona matapos ang indi pag-intindihanay sang mga ini samtang yara sa ilimnan samtang ginaselabrar ang death anniversary sa Brgy. Tacas, Pontevedra, Capiz pasado alas 9 sang gab-i.
Pilas malapit sa dulonggan ang naangkon sang persona nga si Nico Arjie Baniel, 26-anyos ang pang- edaron matapos ini ang ginbuno ni Ian Fuentes, 39- anyos ang pang- edaron nga pareho naman residente sang nasambitan nga barangay.
Nagaguha sa imbestigasyon sang kapulisan, nga imbitado sa okasyon sa poluy-an ni Kagawad Mark Base ang duha ka mga persona kun sa diin nag-angkon sang pagsabtanay sa tunga sang suspek kag biktima.
Una nga ginpalapitan ni Fuentes si Nico Arjie Baniel kag ginbuno malapit sa dulonggan kabangdanan nga nagbalos naman ang biktima paagi sa paggabot sang pusil kag ginluthang ini nga naigo sa iya nga paa.
Madasig naman nga nagpalagyo ang suspetsado matapos nga makomiter ang krimen.
