Hinumulang nilabhan, usa sa giimbestigahang hinungdan sa pagpamusil-patay sa Tagum City

Davao City – Napalgan na lamang na naligo sa kaugalingong dugo ug wala nay kinabuhi ang usa ka lalaki sulod sa iyang kwarto sa Purok Camia, Mirafuentes, Brgy. North, Tagum City niadtong Marso 9, 2024.

Sa impormasyong gipadala sa DXDC RMN Davao ni PLTCOL Jeffrey Latayada, ang hepe sa Tagum City Police Station, usa ka concerned citizen ang mi-report sa ilang buhatan ug sa ilang pagpanubay, naila ang biktimang si Mark Jun Duran kinsa patay nang nanghigda sa iyang kama nga puno’g samad pinusilan sa kalawasan.

Sa gipalawmang imbestigasyon, sa mga milabay nga adlaw nagyawyaw ang biktima tungod matud pa sa hinuboan sa kauban niya sa balay nga si ‘Alyas Lyndon’ nga tulo na kaadlaw’ng gihumulan.

Sa karon, personal grudge ang ginalantaw nga motibo sa krimen samtang nagpadayon pa ang imbestigasyon sa kapulisan human misibat ni ‘Alyas Lyndon’.

“Gudpm Mam. Under case build up na sa atua investigators Ani against sa kato kauban niya nga si alias Lyndon. Nisibat na pud,” pamahayag ni PLTCOL Latayada.

RadyoMan Ivy Parido