ILOILO City – Nagbukas na ang center nga nagatanyag sang testing kag treatment sang mga tawo nga may human immunodeficiency virus (HIV).
Ginbuksan kahapon ang center sa paghimakas sang Family Planning Organization of the Philippines (FPOP).
Suno kay FPOP Iloilo chapter program manager Mona Lisa Diones ang Raising Awareness for Junior Advocates on HIV (RAJAH) community center amo ang magabulig agud matumod ang mga tawo nga focus sang treatment hub.
Paagi sa center mapahagan-hagan ang stigma sa mga plhiv’s.
Ginpahayag naman ni clinical manager Roberto P. Figuracion Jr. target nila ang mga lalaki kag transgender women nga nagapakighilawas sa iban nga lalaki; pamatan-on; minors; nagabusong nga kababaehan kag ila partner; transactional sex workers, kag iban pa.
Pasalig ni Figuracion nga ang center magahatag sang holistic nga approach sa paghatag sang HIV testing kag treatment services kag indi kaangay sang konsepto sa mga hospitals.
Bukas ang center halin alas 9 sang aga tubtob alas 8 sang gab-i kun weekdays kag alas 10 sang aga tubtob alas 6 sang gab-i kun weekends kag holidays// via Joel Franco reports
Photo from web
