Davao City – Human sa pito ka tuig, subling nasakmit sa tribung Maguindanaon ang symbolic Kadayawan Gem – ang titulo sa Hiyas sa Kadayawan.
Gikonsidera sa kasagaran nga usa ka beauty pageant, ang Hiyas sa Kadayawan nagahatag og higayon sa kalahian sa kultura sa matag lumad ingon man igong kasayuran sa importansya sa papel sa ilang ‘muse’ diha sa pagpalambo pa og dugang sa ilang talagsaong cultural identity.
Gani, subli kining nahimong sentro sa Hiyas sa 11 ka mga tribu nga gipasundayag atol sa Kadayawan Sa Davao.
Kini mao sila si Sittie Aleyah Hadjisalim (Maranao), Aiza Grace Oquina (Obu-Manuvu), Rosephine Ambala (Matigsalug), Sittie Lailie Aragasi (Iranun), Cherry Anne Saripada (Kagan), Aileen Maray (Ata), Jurica Jordan (Bagobo-K’lata), Kausar Jakilan (Tausug), Coraima Hasim (Sama), Jessa Andian (Bagobo Tagabawa) ug Nurainie Ampatuan (Maguindanaon).
Una pa ang adlaw sa koronasyon, gipasigarbo sa matag Hiyas ang managkalahi-lahi nila nga kultura pinaagi sa mga sayaw ug kanta dinhi sa Mindanao pinaagi sa talent competition diin gisayaw sa Maguindanaon tribe representative nga si Nurainie Ampatuan ang “Silong sa Ganding”, pagkanta sa “Bayuk” ug naka-blindfold nga pagtugtog sa kulintang – rason nga midaug kini sa pasidungog nga Best in Cultural Presentation.
Si Norainie usab ang giproklama nga ‘Hiyas ng Kadayawan 2019’ kinsa mitubag sa pangutana nga unsa ang iyang mensahe ngadto sa mudaog nga Hiyas:
“As a Muslim-Filipino my message to the next Hiyas sa Kadayawan is to never ever deny your background – that we have the right to lead and influence the millennial. You have the power and great responsibilities. We should really be proud of where we came from and we should never ever deny our background. Have some confidence also be a good citizen in this country, our Philippines.”
Nakuha ni Coraima Hasim (Sama) ang Hiyas sa Panaghiusa 2019 ug ni Jessa Andian (Bagobo Tagabawa) ang Hiyas sa Kalambuan 2019 samtang nahimong mga Hiyas sa Kaliwatan ang nahibilin.
Ang midaug nga Hiyas ng Kadayawan 2019 nga si Nurainie Ampatuan, usa kini ka 22 anyos nga dalaga, dunay degree sa Fine Arts major in Fashion Design diin nanag-iya na kini sa iyang kaulagingong clothing line ug ginagamit ang ‘inaul’ fabric sa iyang tribu isip highlight sa iyang mga kontemporaryong disenyo.
Matuod gayud nga sa Davao lamang nimo makita ug masud-ong ang pageant nga nagapasigrabo sa kaanyag, pagka-talentado ug hiyas sa pagka-intelehente sama sa ‘Hiyas sa Kadayawan 2019’!
Alang sa Kadayawan 2019 Special Coverage, RadyoMaN Jason Amisola, Tatak RMN!
