![WEBSITE-18-×-10-in-96.jpg](https://i0.wp.com/rmn.ph/wp-content/uploads/2024/08/WEBSITE-18-×-10-in-96.jpg?resize=696%2C387&ssl=1)
Atol sa media presentation niadtong August 3, 2024, pormal nga gisapubliko ang onse ka mga kandidata nga maoy mupresenta sa ilang mga tribu nga mao ang Ata, Bagobo-Klata, Bagobo-Tagabawa, Matigsalug, Obu-Manuvu, Iranun, Kagan, Maguindanaon, Maranao, Sama ug Taosug.
Lain-laing adbokasiya ang ilang gipresenta apan ang tanan pareho og tinguha nga mauli ang korona aron maipanghambog ang kanindot sa matag tradisyon ug kultura.
Himuon usab sa mga tribu nga oportunidad ug plataporma ang maong kompetisyon aron awhagon ang katawhan nga undangon na ang diskriminasyon sama sa pagsaway sa mga Lumad ug pagsulting ‘terorista’ ang tanang mga Muslim.
Gani nahinabi sa DXDC RMN Davao si Rania Guiaman, usa ka Maguindanaon, mihatag kini og komento kalabot sa diskriminasyon dili lamang sa tribu kung dili lakip na mga giatubang sa kababayen-an karon sama na lang niadtong viral boxer sa Algeria nga gibatikos human gipasanginlang usa ka transgender.
“It’s really important to take care of our words because it really has a great impact on someone especially if you don’t know the person personally. No one has the right to throw some harsh words or hate comment to someone. Just spread kindness,” butyag pa sa kandidata.
Samtang kahinumdoman nga ang tribu sa Bagobo Klata maoy nakadaog sa Hiyas sa Kadayawan 2023. Ilaha ba kaha gihapon ang korona karong tuiga? Atangi sa DXDC RMN Davao Kadayawan 2024 special coverage ang coronation night karong August 16, 2024 sa gabii.
RadyoMaN Ivy Parido