Davao City – Abli ang ganghaan sa Hugpong ng Pagbabago (HNP) sa ubang mga politiko nga gustong mo-apil. Kini ang gisulti ni Davao City Mayor Inday Sara Duterte Carpio, HNP founding chair, sa gipahigayong presscon atol sa paglusad sa maong grupo.
Giingon sa mayor, usa sa ilang giimbita ang mga opisyales sa Davao del Sur sa pagpanguna ni Davao del Sur Gov. Douglas “Dodo” Cagas ug uban pa. Giklaro lang sa founding chair kinahanglang mo-resign sila sa ilang mga kanhi partido una magpamembro sa HNP.
Sa pikas bahin gipasabot usab ni Davao del Norte Gov. Rafael Anthony del Rosario, HNP secretary general, base sa ilang by laws ang buot magpasakop sa HNP kadtong mga politiko nga walay partidong rehiyonal.
Gitataw usab sa gobernador sa Davao del Norte nga una sila misulod sa maong grupo, miresign una sila sa ilang tagsa-tagsa ka mga partido. Giingon ni del Rosario nga niadto pang Nobyembre tuig 2017 miluwat na siya sa iyang kanhi partido nga mao ang Liberal Party.
RadyoMaN Bernard Pantallon
