Davao City – Ni-file na og Certificate of Candidacy (COC) pagka konsehal ang pipila ka mga kandidato dinhi sa syudad sa Dabaw ganinang buntag sa Comelec office sa Magsaysay Park Avenue Davao City.
Gani isip pag suporta kanila giubanan mismo kini ni Hugpong ng Pagbabago chair ug Davao City Mayor Inday Sara Duterte-Carpio.
Pipila ka mga kandidato nga nagpapili pagka konsehal alang sa 1st District mao sila si Edgar Ibuyan Jr., Pamela Librando, Bonifacio Militar, Melchor Jay Quitain Jr., Pilar Braga, Mabel Sunga Acosta, Lyndon Banzon, Richard Duterte ug Nilo Abellera Sr.
Atol sa ikatulong adlaw sa filing of COC gidugok sa katawhan ang Comelec office aron pagpakita og suporta ngadto sa mga kandidato kinsa nagdala og balloons, printed shirts nga adunay pangalan sa ilang gisuportahan ug mga taurpaulin.
Sa pikas bahin ginaatangan usab ang pag file og COC ni Davao City Mayor Inday Sara Duterte-Carpio ug ang anunsyo kung kinsa ba ang running mate niini.
RadyoMaN Abi Bibera
