Dapitan City- Hugot nga seguridad ang ipatuman karong adlawa sa kapulisan sa Dakbayan sa Dapitan may kalabot kini sa paghidangat ni Davao City Mayor Inday Sarah Duterte kinsa siya usab ang chairman sa Hugpong Ng Pagbabago nga usa ka regional party.
Kagahapong adlawa ang Commel PRO9 sa pagpanguna ni PCI Rex D. Ganaden nakig koordinar ni OIC PSupt JONATHAN ALAMBATANG YABO ang hepe sa dakbayan sa Dapitan para sa seguridad sa ilang mga bisista, ang uban gikan sa kaulohan.
Ang tumong sa paghidangat ni Mayor Inday Sarah Duterte mao ang pagpanumpa sa mga bag-ong myembro sa Hugpong ng Pagbabago, sama sa mga barangay opisyal ug sa buot mo anib sa maong partido.
Dili lamang si Davao Mayor Duterte ang moabot apan uban usab niya ang mga senatorial candidate nga bag-ohay lang niya gi endorso para sa 2019 election.
Kahinumduman usa ang lokal nga partido sa pamilyang Jalosjos nga Aggrupation of Parties for Progress (APP) ang nakig alyansa karon sa hugpong ng Pagbabago pinaagi ni Ist District Congressman Seth Fredereck “Bullet” Jalosjos ug mao karon ang nabani-og nga magpapili pagka Gobernador dinhi sa Probinsya sa Zamboanga Del Norte.| Mark Bacroya
