Davao City – Nagtoo si Davao Occidental Gov. Claude Bautista, myembro sa Hugpong ng Pagbabago (HNP) nga walay bangi sila si Davao City Mayor Inday Sara Duterte Carpio ug House Speaker Pantaleon Alvarez mahitungod sa gimugnang Hugpong ng Pagbabago usa ka regional political group nga gipangunahan sa mayor sa syudad sa Davao.
Sumala ni Gov. Bautista, usa lamang ka ‘misinformation’ ang nahitabo tali kang Carpio ug Alvarez.
Gipasabot ni Bautista nga dili oposisyon ang maong grupo tungod kay ang tumong niini alang sa paghatag ug serbisyo sa katawhan sa rehiyonal nga level kansa maoy gitinguha usab ni Pres. Rodrigo Duterte.
Gitataw pa sa gobernador sa Davao Occidental, dili partisan politics ang HNP tungod kay igo lamang nila gipadayag ang ilang katungod sa pagmugna og usa ka political group.
RadyoMaN Bernard Pantallon
