Davao City – Emosyunal nga nanawagan sa gobyerno pinaagi sa DXDC RMN Davao si Edith Oyboy, residente sa Brgy. Inayangan, Calinan District ning syudad sa Davao human nga lakip nga naapektuhan ang iyang mga binuhing baboy outbreak sa African Swine Fever (ASF).
Sa interbyu sa DXDC RMN Davao kaniya, nanawagan kini nga matabangan sa ilang kahimtang diin gibutyag niini nga naka undang na ang anak tungod kay wala na kini ikagasto ug pagbuhi og baboy lamang ang panginabuhi-an niini.
“Akong anak ni-undang, grade eleven unta. Mao ra gyud na ang among saligan sa eskwela sa among anak. Undang nalang kay wala man koy ika gasto,” saysay niini.
Gibutyag ni Oyboy nga duha sa iyang upat ka baboy ang namatay tungod sa ASF diin padayon usab niining gimonitor ang duha pa ka nabilin.
Kagahapong adlawa, Pebrero 21, 2020 sa dihang gipailawom sa State of Calamity ang barangay Inayangan samtang aduna na usay pondo nga gitagana ang lokal nga gobyerno sa Davao sa mga apektadong hog raisers.
RadyoMaN Kirby Manzon
