![robbery-hold-up](https://i0.wp.com/rmn.ph/wp-content/uploads/2019/01/robbery-hold-up.jpg?resize=478%2C198&ssl=1)
Naglab-ot sa 130 mil pesos ang nataban sang duha ka mga suspek nga nag-hold-up sa cashier sang Total Gasoline Station nga nakabase sa banwa sang Batad, Iloilo.
Ginkilala ang biktima nga si Joseph Cacho, 29 anyos sang barangay Bakhawan Sur,Concepcion, iloilo.
Natabu ang insidente mga alas 4:30 kaina sang hapon (Enero 22) sa may taytay sang Capinang, San Dionisio, Iloilo kon sa diin ginbanggaan sang mga suspek ang biktima nga nagasakay sa iya motorsiklo papuli sa banwa sang Concepcion.
Matapos makuha ang kuwarta nga benta sang Gasolinahan , ginhandus pa sang buno sang mga suspek si Cacho apang masuwerte nga wala mapuruhan.
Madasig naman nga nagpalagyo ang mga suspek kag padayon nga ginapangita sang mga kapulisan.
Facebook Comments