Pilas sa kamot ang naagum sang Taxi driver nga gin kilala kay Pepito Tamon 56 sang Concepcion- Duran, City proper matapos gin hold-up sang duha ka minor de edad nga taga- Bakhaw kag taga -Bolilao, Mandurriao.
Suno sa biktima nga mga alas 5:30 kaina sang hapon sang nagsakay ang duha ka mga minor de edad nga lunsay 14 anyos sa may Megaworld kag nag pa dul-ong sa Westwood Subdivision kon sa diin pag abot sa madulom nga bahin nag deklara sila sang hold -up.
Nakuha sang mga suspect ang 1500 pesos nga kwarta sang Driver kag nag sakay sa tricycle pa gwa sa Westwood apang sa bulig sang gwardya natigayun ang mga ini nga madakpan.
Ang duha ka suspect ang grade 9 kag grade 8 students sa isa ka daku nga high school University malapit sa gintunaan sang insidente.
Nahibaluan nga gin hagad sang grade 9 student ang grade 8 student nga mang hold up tungod kay birthday sini apang suno sa report nga initiation rights ini sa Shoktong Gang.
Wala naman sang plano nga mag file sang kaso ang driver kag iya ginsiling nga bayaran lamang sang mga ini ang 1500 kag duha ka adlaw nga kita.
