Davao City – Giganid karon sa kapulisan ang tanang ospital aron masuta aduna bay nagpaalim nga suspek sa hold-up kinsa nadunggaban sa iyang biktima.
Sa interbyu sa DXDC kang Davao City Police Office Spokesperson PSI Ma. Teresita Gaspan alas 12:45 sa kadlawon niadtong Dominggo samtang pauli ang biktima nga si Vina Necosia, 18 anyos sales Lady sa Gmall gitiunan kini’g kutsilyo sa suspek ug gikuha ang cellphone niini ug kwarta nga nagkantidad og P300.00 pesos sa may MGR Teacher’s Village, Matina Aplaya, Davao City.
Apan atol sa insidente nisukol ang biktima ug nailog niini ang kutsilyo ug daling gidunggab ang suspek igo sa wala nga bukton niini.
Nidagan padulong sa Pioneer Village, Matina Aplaya ang suspek human sa insidente.
Sumala ni Gaspan gisubay karon sa Talomo PNP ang mga CCTV footages aron makatabang sa pagila sa suspek sa pangpang-hold-up.
Base sa testamento sa biktima ang suspetsado naka pula nga t-shirt , naka maong nga color brown, taas ug buhok, anaa sa edad 20-25, 5’3 ug payat ang lawas.
Sumala ni Gaspan kung adunay makita nga anaa sa description mamahimong ireport kini sa kapulisan o itawag sa Isumbong kay CD hotline 09258233276.
RadyoMaN Aimee Guinita
