Davao City – Dala sa modernong panahon diin sagad sa mga kabataan nakatutok na sa social media ang sagad rason karong panahona nga daghan ang kabatan-onan kun millenials nga naimpluwensiyahan sa pamaagi sa panarbaho sa uban nasud sama sa online teaching, tutorial ,encoder ug uban pa diin sa karon mas gipili nila nga manarabaho sa gitawag nga mga home-based jobs.
Sumala ni Shella Solteo, usa ka estudyante sa University of Mindanao nga iyang nasinatian ang home- based jobs ug mas kontento siya sa maong matang nga panarabaho rason nga dunay panahon sa pamilya.
Gipasabot ni Solteo nga mas daku ang gasto kun motrabaho sa pampubliko o pribado samtang ang home-based job mas gamay ra ang gasto niini subay sa iyang naeksperyensiya isip usa ka tutor ug encoder nga matigayon didto sa ilang pinuy-anan.
Gibutyag ni Solteo nga sagad sa hinungdan sa mga millenials nga muondang sa ilang trabaho ug di na kalahutay ug napulo katuig gumikan kay ang kompanya istrikto sa pagdumala sa ilang empleyado ilabina sa balaud nga gipatuman.
Dugang pasabot ni Meggie Alfonzo Platon nga taga Toril siyudad sa Davao, usa ka bag-o nga nigradwar sa tuhaan sa University of the Immaculate Conception (UIC) nga sagad sa mga kabatan-onan karon naimpluwensiyahan na sa modernong teknolohiya sama sa internet.
Sa obserbasyon ni Platon sa mga millenials nga kun manarbaho sila, dunay kinaiya sa pagkapul-anon sa trabaho nga maoy hinungdan nga dili magdugay.
RadyoMaN Don Pulayao
