Davao City – Nagpasidaan ang Nagkakaisang Labor Coalition sa mga batan-on labot sa risgo sa panarbaho pinaagi sa home-based jobs gamit ang internet kun social media.
Sumala si Nagkakaisang Labor Coalition focal person Mike Ybanez nga walay igong proteksyon sa panarbaho ang home-based jobs ug bulnerable sab sa pagpangabuso sa mga employers.
Nasabtan ni Ybanez nga mao na kini ang buot sundon sa bag-ong henerasyon sa mga mamumuo apan nagpasidaan kini sa ka-walay igong proteksyon sa katungod sa mga trabahante sanglit lisod gukdon ang mga employer nga anaa lang sa social media.
Segun ni Ybanez nga kaniadto maniguwang ang mga trabahante sa mga kompanya nga ilang gialagaran apan karon wala pa gani nakaabot og pila ka tuig muhawa na sa trabaho ang mga batan-on aron mangita og laing masudlan.
Natuhog ni Ybanez nga sagad sa millenials karon mahilig mag-explore og ‘green pasture’ sa panarbaho nga kun asa sila muangat didto usab sila magtrabaho rason kun nganong walay maniguwang sa mga kompanya karon.
Gipunto pa niini ang rason nganong dili magdugay ang usa ka batan-on sa trabaho tungod kini sa contractual system ug pagsalmot sa Pilipinas sa world globalization.
Nagtoo ang focal person nga dili gayod kinaiya sa mga batan-on ang pagbiya og sayo sa trabaho apan mapugos na lamang sila sa home-based jobs ug pagsangko sa sayo nga pagbiya sa trabaho gumikan sa contractual ug globalization.
RadyoMaN Joel Viray
