SOUTHERN LEYTE – Gindeklara na han Philippine Drug Enforcement Agency (PDEA) kaupod an PNP Region 8 nga Drug-Cleared na an home province ni Presidente Rodrigo Duterte, an probinsya han Southern Leyte.
Ha interview han RMN kan Southern Leyte Gov. Christopher Yap, nagbulig-bulig an mga bungto han Southern Leyte para madeklara an mga barangay nga drug-cleared ngan yana bug-os na nga probinsya an gindeklara.
“Pag-upo ko lang nung Septempber that was really my goal that we will be cleared. Fortunately, nagin number 3 tayo, 3rd tayo na nadeclare. Tulong-tulong tayo, kung anong problema sa mga bayan, kung ano ang kulang pinapahiram natin, mga gamit at nga mga sasakyan.
“Tulong-tulong lang talaga ng lahat ng mayors.”
Ika-tulo an Southern Leyte ha mga probinsya nga gindeklara nga drug-cleared ha Pilipinas, syahan an probinsya han Batanes ngan ika-duha an Romblon.
Ini liwat an pinakasyayan nga probinsya ha bug-os nga Visayas nga Drug-Cleared na.
Hi PDEA Director General Aaron Aquino an mismo nga nagdeklara han probinsya, siring niya kinahanglan nga mas magbinuligay pa an kada barangay ngan bungto para mamentinar an pagigin drug-cleared han Southern Leyte.
Aminado liwat hi Gen. Aquino nga mayada time table ini nga kampanya kontra droga han gobyerno, kinahanglan makadeklarar an PDEA hin 6, 000 nga barangay nga drug-cleared kada tuig.
“Every year we need to clear 6, 000 barangays, so tama ang sinabi ng Presidente na ngayon ay ¼ pa lang ang naki-clear natin. By 2018 ¼ pa lang, 2019 dapat ¼ din, 2020 ¼ din, and 2021 another ¼. So in short, hopefully by the end of 2021, drug-cleared na.”
“So before the President step down in 2022, we all wish we ha have a drug-cleared Philippines.”
Nagpapasalamat liwat an PDEA ha PNP Region 8 ha padayon nga kooperasyon han duha nga ahensya gobyerno ha pagpoypoy han illegal nga droga ha Eastern Visayas.
