HONEST NANAY – ALICIA TUNAY – Pumunta sa DWNX – RMN Naga, NAGSAULI ng NAPULOT na Malaking Halaga ng PERA sa Naga City Market : Until Now, Still Unclaimed

48

Siya si Nanay ALICIA TUNAY, edad 46, residente ng Barangay Mambulo Nuevo, bayan ng Libmanan sa Camarines Sur. Isang magtitinda ng kakanin (ebus/ibus) sa Naga City People’s Mall. Dala-dala niya kahapon ng hapon ang isang supot ng malaking halaga ng pera na nakapaloob sa isang plastic cellophanen. NAIS NIYANG ISAULI SA MAY-ARI ANG PERANG KANYANG NAPULOT habang nagtitinda siya ng ibus sa isang bahagi ng Naga City Market.
Ayon kay Nanay Alicia, bandang alas 11 ng umaga kahapon habang nagtitinda siya ng kakanin, napansin niya umano ang isang plastic cellophane. Nang kunin niya ito at tingnan ang laman, nagulat siya nang makita na pera pala ang laman nito. Sinikap niyang hanapin kung sino ang may-ari o nakaiwan ng nasabing pera pero hindi na niya nakita ito.
Nang tanungin si Nanay Alicia kung bakit niya naisipang ihatid sa DWNX – RMN Naga ang nakita niyang nakaplastik na malaking halaga ng pera, sinabi niyang nais niya itong maisuli kaagad sa may-ari. Hindi man lamang siya nagdalawang-isip na sarilihin ang nasabing pera dahil, kahit mahirap lamang sila, ayaw niyang gumamit ng perang alam niyang hindi naman sa kanya.
Nai-post ni Radyoman Grace Inocentes ng DWNX – RMN Naga sa kanyang FB Account si Nanay Alicia Tunay at kaagad na nag-viral ang nasabing post kasabay ng pagkarami-raming share at pagbuhos ng mga comment ng pagkilala at paghanga sa angking katapatan/honesty ng nasabing ibus vendor.
Ayon sa FB Post ni RadyoMan Grace Inocentes:
“Siya po si Nanay Alicia Tunay paratinda nin ibos sa merkado kan Naga, taga Mambulo Nuevo, Libmanan, Camarines Sur. Pighatod niya po sa station kan Dwnx an sarong supot nin kwarta na nakua niya subagong aga mantang nagtitinda nin ibos sa Market kan Naga. Mayong pangaran sa laog kan supot na may dakulang kantidad nin kwarta. Kung siisay po an tunay na maysadiri kaining dakulang kwarta magdigdi na lang po station kanRmn Dwnx www.facebook.com/rmndwnxnaga> na makukua sa barangay Del Rosario sa banwaan kan Milaor. Kaya Nanay Alicia Tunay saro kang tunay na honesto asin dapat kang pangarugan. Minasaludo kami sa saimong pagiging honesto. Mabuhay ka po Nanay Alicia Tunay[image: https://static.xx.fbcdn.net/images/emoji.php/v9/f3d/1/16/1f3c5.png]🏅[image: https://static.xx.fbcdn.net/images/emoji.php/v9/fac/1/16/2665.png]♥[image: https://static.xx.fbcdn.net/images/emoji.php/v9/ff7/1/16/1f939.png]🤹“
Kaagad na umani ng mahigit 250 shares at napakaraming comments – pagkilala, paghanga at pagsaludo sa angking katapatan ni Nanay ALICIA TUNAY.
Kami sa RMN Naga – DWNX ay saludo din po sa iyo, Nanay Alicia. Maraming salamat din po sa tiwala mo sa RMN Naga – DWNX. MABUHAY PO IKAW at ang iyong salinlahi!!! Tunay ka pong dapat pamarisan.
credits: fb of radyoman grace inocentes and melvin dialino









Facebook Comments