HOPIA: "Nafall ko, pero floor ra gyud tawn ang ni-catch." Karong Christmas, uso ang ma-fall. Ma-fall sa mga palitonon kay daghang bag-o ug nindot. Ma-fall sa mga pagkaon ilabi na nga ting-party karon. Ug ang uban pod, ma-fall sa floor kun madagma o madisgrasya tungod sa ‘Christmas Rush’. Kana bitaw’ng nagdali-dali ka tungod kay gamay ra kaayo ka og oras pero daghan kaayo ka og buhatonon ug palitonon? Relate ka, Idol? Mas relate ko kay bag-o lang kong napangos tungod kay nadagma ko sa dalan. May nalang gani wala’y sakyanan ug wa ko maligsan. Nakasinati pud ka ani Idol? Or mas grabe imong experience? Di maguol, aduna’y solusyon niana ilabi na nga di’ gyud kalikayan ang madisgrasya ta usahay. Kinahanglan lang nga aduna tay First Aid Kit dili lang sa atong balay kon dili sa ato pung bag. Hinuon, dili kini ingon nga makapaayo og dali sa imong samad, pero makatabang pud ni para mogaan-gaan gamay ang gibati sa nasamdan or malikayan ang pag-grabe sa samad. Ania ang lista sa usa ka epektibong First Aid Kit: 1. Atiseptic. Importante ni para sa paglimpyo sa samad para malikayan ang impeksyon nga maoy hinungdan sa dako nga problema. 2. Bandaids ug Gauze pads. Makatabang ni para sa pagtambal sa samad. Mas maayo nga mopalit og daghan nga naay lain-laing sizes. Para sa guaze pad, palit og dako nga size kay pwede ra man pud ni nimong guntingon depende kung unsa gidak-on ang samad. Mas tipid ni kay pwede pa ni nimong matago kung di magamit. 3. Limpyo nga gunting ug tweezers. Panggunting ug pangtangtang sa stingers ug hang nails. 4. Ace bandages. Magamit ni sa sprains ug breakages. 5. Instant Cold ug Hot Pack. Magamit ni sa sprains, bruises, ug bumps para malikayan ang grabe nga paghubag. 6. Adhesive tape. Magamit ni pangdikit o sa pagbutang sa gauze ug para ma-secure ang ubang mga bandages. 7. Gloves. Para malikayan ang impeksyon. Mas maayo pud nga manghugas og kamot, una mogunit sa samad. 8. Alcohol. For disinfectant. 9. Analgesic o Aspirin. Ang analgesic para sa pain reliever. Ang aspirin mainom para sa gihilantan. Pero mas maayo gyud nga mangutana sa imong Doktor. 10. Siguraduha pud nga naa kay number sa mga pwedeng tawagan kon ugaling adunay aksidenteng mahitabo labi na karon nga ting-ulan. (e.g. Emergency Rescue Unit Foundation (ERUF) – (032) 233 9300 <+63322339300> ) Busa mga Idol, amping mo sa inyong mga tagsa-tagsa ka lakaw. Pwede ra gyud kaayo nga malikayan ang disgrasya kung kita magmatngon lang sa atong mga lihok. Bahala og madugay, basta sipti lang. Ika nga nila, better safe than sorry. <http://www.remate.ph/