Davao City – Dili mugasto ang lokal nga panggamhanan sa medical expenses sa mga violators sa gipatumang Enhanced Community Quarantine (ECQ) kung maospital kini tungod sa COVID-19.
Gikaitok sa alkalde nga taliwala sa ECQ ug curfew daghang mga pribadong sakyanan ang nakita niini sa mga kadalanan.
“Kung natakdan ka og Covid-19 tungod nag-violate ka sa Enhanced Community Quarantine, dili mobayad ang city government sa imong pagpahospital,” matud niini.
Gipaandam na usab sa mayor ang kantidad nga ilahang magasto kung matakbuyan kini og coronavirus.
“Ibilin na na inyong bayad daan sa inyong pagpaospital, bayad sa ICU ug inyong pagpacremate. Dapat sa inyo pag nagkasakit mo dili mubayad ang gobyerno labi na ug ni-violate mo sa ECQ guidelines. Pag-andam nalang mo daan og P2 million labi na og na ICU mo,” segun sa mayor.
RadyoMaN Aimee Guinita
