GENERAL SANTOS CITY- Nangalisang ang mga ginikanan og watchers sa mga pasyente sa Room 302 sa Pedia ward sa Dr. Jorge Royeca Hospital human nga nag-aso ang ceiling fan sayo sa buntag adlawng Sabado.
Nasayran nga gipamahayag sa mga ginikanan og watchers nga adunay misinggit nga sunog tungod ni-aso ang usa sa ceiling fan sa maong kwarto.
Namakod og nanagan pagawas si alyas Linda kauban ang ubang mga ginikanan bitbit ilang mga pasyente bata ug ang dextrose.
Segon pa ni alyas Ruben nga natulog siya sa gawas sa kwarto dihang mibangon kini tungod sa singgit sa mga ginikanan nga may sunog.
Paspas nga nabuboan og tubig sa mga ginikanan ang ceiling fan dayon gipalong ang circuit breaker hinungdan nga mingitngit ang portion sa pedia ward.
Nasuta usab nga kasagaran sa mga pasyente nga anaa sa maong kwarto mga naadmit tungod sa sakit nga dengue o gitawag nilang dengue room.
Kahibaw-an nga halos tibuok adlaw naka-andar ang mga ceiling fan sa mga kwarto sa ward aron maminusan ang kaigang nga masinati sa mga pasyente og watchers.
Human nga miresponde ang Bureau of Fire Protection, wala na sila nagpahigayon og operasyon apan nagtambag na lang sila ngadto sa taga-ospital nga sutaon ang linya sa kuryente sa maong ward og ilisan ang linya sa kuryente.
For more info’s and updates, like and share our official facebook account : www.facebook.com/ifm91.9Gensanofficial/
[image: 1.jpg]
[image: 2.jpg]
